قارداش

داغ باشین آلیبدیر چن ایله دومان

"شجاعت"دردده یم من ده بو زامان

نه قوجایام نه اوشاغام نه جاوان

گوره سن نه یاشا چاتمیشام قارداش


زیلله دیم قولاغیم زامان سسینه

باخ گور نه سویله دی بیر کلمه سینه

"چوخ قولو چیخاردیب تاختین اوستونه

شاهی قول ائیله ییب ساتمیشام قارداش"


شعریمی واراقلا آرا گونومو

مغننی گل اوخو تارا گونومو

طالعیمده اولان قارا گونومو

ساچیمین آغینا قاتمیشام قارداش


"اوجاقی"دونیادان اولموشام خسته

درمانیم گزمیشم یوخدور هئچ کسده

اولنده داش توکمه مزاریم اوسته

دونیانین داشینی آتمیشام قارداش