نیارا اهالیسینین قیامی بیز اوچون بویوک بیر افتخار ساییلیر

کئچن دوز گونو(دوشنبه)دی آیینین ۱۸ ـ ینده نیارا اهالیسینین قانلی قیامینین ایل دونوموایله بیر زاماندا،اوستان و منطقه مسووللارینین حضوریلا بو کندین جامع مسجیدینده عظمتلی بیر مراسیم کئچیریلدی.

"مهر"خبر آژانسینین وئردیگی راپورتا گوره بو مراسیمده اوستانین"بنیاد شهید و امور ایثارگران"رییسی بیر چیخیشدا دئدی:اسلامی انقلاب حرکاتی عاشورا واقعه سیندن تبعیت ائتمکله و ائله جه جاماعاتین آییقلیغیلا "طغیان ائدنلره"غالیب اولدو.او آرتیردی:مستکبیرلر مغلوب اولدوقدان سونرا بیر (سگیز ایللیک)محاریبه نی ده ایرانا تحمیل ائتدیلر کی بو ایشده ده بیر نتیجه الده ائده بیلمه دیلر.کی بونلارین هاموسی شهیدلر قانلاری سایه سینده دیر.شیوا بونو بیان ائتمکله کی :نیارا،انقلابی حرکتلرده قاباقچیل کندلردن ساییلیر آرتیردی:محروم بیر کند اهالیسینین قیامی بیز اوچون بویوک بیر افتخار حساب اولور.

مراسیمین داوامیندا نمین شهرستانینین"بنیاد شهید"اداره یسنین رییسی ده بیر آیری دانیشیقدا نیارا جاماعاتینین قهرمانلیق و فداکارلیقلارینا اشاره ائده رک دئدی:او زامان کی چوخ شهرلر هله ارتباطی امکاناتلاردان محروم ایدی بو کندین اهالیسی اسلامی انقلابین اهمیتینی دویوب و ۱۸ ـ دی کیمی بیر حماسه نی یاراتدیلار کی بونا افتخار ائتمه لی ییک.

شهرام مدبر آرتیردی نمین ماحالی ۱۲۸ اوجا مقام شهید انقلابا تقدیم ائدیب کی یوزه دوخسانی کند شهیدلریدیر.بو آمار کندلرده یاشایانلارین نقشینی مملکت و تورپاغیمیزین قورونماسیندا داها آرتیق آیدینلاشدیرا بیلر.

آرتیرمالی ییق ۱۳۵۷ - اینجی ایلده نیارادا باش وئرن بو قانلی قیام نتیجه سینده، اهالیدن ۵ نفر شهید و ۱۹ نفر یارالی اولدولار کی شهید اولانلارین آدلاری بونلاردان عبارتدیر:مطلب راستگو ـ محمد راستگو ـ سراصلان خانمحمدزاده ـ ملک منظر واحدی ـ و نازیلا سید رحیمی.اردبیل انقلابیندادا (شهربانی قاباغیندا)نیارا اهالیسیندن ایکی نفر ـ عباسعلی محمدی و سلام بخشایش ـ شهید اولورلار.

نیارا بورا کیمی ۲۵ اوجا مقام شهید انقلابا تقدیم ائدیب کی یئددی سی انقلاب زامانی و اون سگیزی ده مقدس دفاع دوورانی بو درجه یه ناییل اولوبلار.روحلاری شاد یوللاری داواملی

خانم" سلمانی" دن بو خبری حاضیر ائتدیگی اوچون مینتدارلیغیمیزی بیلدیریریک