وطن عشقینده

 

دئییره م آدوستلار آذربایجانین

تورپاغینا قوربان ائلینه قوربان

بالاجا اوشاغین جاوان قوجانین

دانیشان مقدس دیلینه قوربان

**********************

وطنین عشقینده یانان قلبیمی

دنیزلر سویو دا سوندوره بیلمه ز

یولومو تانیرام اوز دده م کیمی

هئچ کیمسه یولومدان دونده ره بیلمه ز

*************************

ائل اوچون یورد اوچون یاشایانلاری

ائل ده اوزی کیمی یاشاداجاق دیر

اوز کوکون کیملیگین اونودانلاری

ائل ده اوزی کیمی اونوداجاق دیر

*************************

چوخداندیر "اوجاقی"ائل حسرتینده

گوزومون یاشینی سیله بیلمیره م

بلکه ده اولمه یه ناقابیلم من؟

اودور کی یولوندا اوله بیلمیره م